SERAT KALATIDHA

Serat Kalatidha merupakan salah satu karya “masterpiece” Ranggawarsita yang melukiskan tentang kedaan zaman gemblung. Jaman dimana  manusia menjadi linglung. Tidak mengetahui arah ke mana kaki harus melangkah. Begini salah, begitu salah. Meskipun demikian, manusia beruntung di jaman gemblung adalah yan g selalu ingat pada Tuhan dan waspada atas segala cobaan. Berikut adalah kutipan serat Kalatidha :

Mangkya darajating praja,

Kawuryan wus sunyaruri,

Rurah pangrehing ukara,

Karana tanpa palup[i,

Atilat silatuti,

Sujana sarjana kelu,

Kalulun kala tidha,

Tidhem tandhnaing dumadi,

Ardayengrat dene karoban rubeda.

Ratune ratu utama,

Patihe patih linuwih,

Pra nayaka tyas raharja,

Panekare becik-becik,

Parane dene tan dadi,

Paliyasing kala bendu,

Mandar mangkin andadra,

Rubeda angrebedi,

Beda-beda ardaning wong sanegara.

Katetangi tangisira,

Sira sang paramengkawi,

Kawileting tyas duhkita,

Katamen ing ren wirangi,

Dening upaya sandi,

sumaruna angrawung,

mangimur manuhara,

met pamrih melik pakolih,

temah suka ing karsa tanap wiweka.

Dhasar karoban pawarta,

Bebaratun ujar lamis,

Pinudya dadya pangarsa,

Wekasan malah kawuri,

Yan pinikir sayekti,

Mundhak apa aneng ngayun,

Andhedher kaluputan,

Siniraman banyu kali,

Lamun tuwuh dadi kekembanging beka.

Ujaring panitisastra,

Awewarah asung peling,

Ing jaman keneng musibat,

Wong ambeg jatmika kontit,

Mengkono yen niteni,

Pedah apa amituhu,

Pawarta lolawara,

Mundhuk angreranta ati,

Angurbaya angiket cariteng kuna.

Keni kinarta darsana,

Panglimang ala lan becik,

Sayekti akeh kewala,

Lelakon kang dadi tamsil,

Masalahing ngaurip,

Wahaninira tinemu,

Temahan anarima,

Mupus pepesthening takdir,

Puluh-puluh anglakoni kaelokan.

Amenangi jaman edan,

Ewuh aya ing pambudi,

Melu edan nora tahan,

Yen tan melu anglakoni,

Boya kaduman melik,

Kaliren wekasanipun,

Ndilalah karsa Allah,

Begja-begja kang lali,

Luwih begja kang eling lawan waspada,

Semono iku bebasan,

Padu-padune kepengin,

Enggih mwkoten man Doblanng,

Bener ingkang angarani,
nanging sajroning batin,

Sejatine nyamut-nyamut,

Wis tuwa arep apa,

Muhung mahas ing asepi,

Supayantuk pangaksamingHyang Suksma.

Beda lan kang wussantosa,

Kinarilah ing Hyang Widhi,

Satiba malanganeya,

Tan susah ngupaya kasil,

Saking mangunah prapti,

Pangeran paring pitulung,

Marga samaning titah,

Rupa sabarang pakolih,

Parandene maksih taberi ikhtiyar.

Sakadare linalakonan,

Mung tumindak mara ati,

Angger tan dadi prakara,

Karana riwayat muni,

Ikhtiyar iku yeti,

Pamilihing reh rahayu,

Sinambi budidaya,

Kanthi awas lawan eling,

Kanthi kaesthi antuka parmaning Suksma.

Ya Allah ya Rasulullah,

Kang sipat murah lan asih,

Mugi-mugi aparinga,

Pitulung ingkang martini,

Ing alam awal akir,

Dumununging gesang ulun,

Mangkya sampun awredha,

Ing wekasan kadi pundi,

Mula mugi wontena pitulung Tuwan.

Sageda sabar santosa,

Mati sajroning ngaurip,

Kalis ing reh aruraha,

Murka angkara sumingkir,

Tarlen meleng malat sih,

Sanityaseng tyas mematuh,

Badharing sapudhendha,

Antuk maya sawetawis,

Borong angga sawarga mesi martaya.